Sjóvá hyggst taka upp kaupaukakerfi
Setja bókamerki
Tryggingafélagið Sjóvá hyggst taka upp árangurstengt kaupaukakerfi fyrir starfsmenn sína en tillaga þess efnis verður lögð fyrir aðalfund félagsins 29. apríl næstkomandi. Í tilkynningu félagsins til Kauphallarinnar segir að stefnan miði að því að félagið sé ávallt samkeppnishæft og geti ráðið til sín framúrskarandi starfsfólk.
Þar segir jafnframt að kerfið skuli vera í samræmi við reglur Fjármálaeftirlitsins um slík kerfi hjá fjármálafyrirtækjum.
Í frétt á vef Viðskiptablaðsins segir að á ársgrundvelli megi kaupauki starfsmanns ekki nema hærri fjárhæð en 25% af árslaunum viðkomandi án kaupauka. Þá skuli enn fremur fresta greiðslu hluta af kaupauka um að lágmarki þrjú ár, þannig að unnt sé að taka tillit til sveiflna í viðskiptalífinu og hagkerfinu sem geta haft áhrif á árangur.
Fyrsti viðskiptadagur með bréf í Sjóva í Kauphöllinni verður á morgun, föstudag.
Segir nýtt frumvarp gefa eldisfyrirtækjum auðlindir
Átta morðmál á aðeins tólf mánuðum
Mest spennandi kosningar í áratugi
Tæknideild komin norður vegna andlátsins
Baldur: „Ég ætla að svara þessu kalli“