Neytendastofu barst kvörtun frá Atmo ehf. yfir notkun Andrúms ehf. á auðkenninu Atmó og skráningu á léninu atmo.is.
Að mati Neytendastofu er orðið Atmó sérkennandi og hvorki lýsandi fyrir starfsemi Atmó né Andrúm. Leit Neytendastofa til þess að bæði fyrirtækin kæmu að markaðssetningu og sölu á íslenskri hönnun. Fyrirtækin starfi bæði í Reykjavík og eru því á sama markaðssvæði.
Taldi Neytendastofa notkun Andrúms á auðkenninu Atmó geta skapað rugling fyrir neytendur. Var Andrúmi því bönnuð öll notkun á heitinu Atmo og léninu atmo.is.
Ákvörðunina má lesa í heild sinni hér.