Skipa nýja haftanefnd

Skipan sérstakrar nefndar vegna áforma stjórnvalda um losun fjármagnshafta er á lokametrunum.

Samkvæmt heimildum Morgunblaðsins er áætlað að þau mál skýrist á næstu vikum en fjölga á þeim sem vinna í fullu starfi við áætlun um afnám hafta.

Á meðal þeirra sem munu skipa nefndina eru Benedikt Gíslason, aðstoðarmaður efnahags- og fjármálaráðherra, Reimar Pétursson, hæstaréttarlögmaður, og Freyr Hermannsson, forstöðumaður Fjárstýringar Seðlabanka Íslands. Í umfjöllun um mál þetta í viðskiptablaði Morgunblaðsins í dag segir m.a., að ekki er ólíklegt að fleiri aðilar verði í nefndinni. Til stendur jafnframt að fá aðstoð erlendra sérfræðinga til að veita stjórnvöldum ráðgjöf við tiltekin verkefni í tengslum við vinnu nefndarinnar.