Al-Thani félög gjaldþrota
Setja bókamerki
Félögin Q Iceland Finance ehf. og Q Iceland Holding ehf. hafa verið tekin til gjaldþrotaskipta, en í gær var kveðinn upp úrskurður um slíkt í héraðsdómi Reykjavíkur. Félögin voru miðpunktur svokallaðrar Al-Thani fléttu, þar sem Sjeik Mohammed Bin Khalifa Al-Thani keypti 5,01% hlut í Kaupþingi rétt fyrir hrun.
Q Iceland Holding er móðurfélag Q Iceland Finance, en fyrrnefnda félagið fékk lánað frá Kaupþingi til að fjármagna kaup dótturfélagsins á bréfum í Kaupþingi. Félögin eru bæði skráð til húsa á skrifstofu lögfræðiskrifstofunnar Logos í Efstaleiti 5.
Með kaupum félagsins í Kaupþingi á sínum tíma varð Q Iceland Finance þriðji stærsti eigandi í Kaupþingi, en alls keypti félagið 37,1 milljón bréfa fyrir 25.599 milljónir.
Í desember á síðasta ári voru fjórir einstaklingar tengdir viðskiptunum dæmdir í fangelsi í héraðsdómi. Þeir hafa allir áfrýjað dómunum, en Hæstiréttur hefur ekki enn tekið málið upp.
Hreiðar Már Sigurðsson, fyrrverandi forstjóri Kaupþings banka, var dæmdur í fimm og hálfs árs fangelsi. Sigurður Einarsson, fyrrverandi stjórnarformaður bankans, var dæmdur í fimm ára fangelsi. Magnús Guðmundsson, fyrrverandi forstjóri Kaupþings banka í Lúxemborg, fékk þrjú ár og Ólafur Ólafsson, sem var stór hluthafi í Kaupþingi, fékk þriggja og hálfs árs dóm.
Það er Ástráður Haraldsson hrl. sem er skiptastjóri búanna.
Kveðst tala af virðingu: „Ég er enginn dóni“
Hafa samþykkt kaup fyrir um 9,2 milljarða
29 nautgripir fundust dauðir
„Það er skiljanlegt að þolinmæði þeirra sé lítil“
Ísraelar hefna árásarinnar
Aðeins ein leið fær í Grindavíkurmálum
Sárt að horfa upp á illa meðferð fjármuna
Ofsóttur innan veggja Boeing