Microsoft mun á næstu mánuðum fækka störfum hjá fyrirtækinu um 18 þúsund. Þetta var tilkynnt í dag.
Fækkunin tengist samþættingu Nokia við Microsoft sem farið verður í á þessu ári.
Í tilkynningu frá Microsoft segir að um sé að ræða „endurskipulagningu til að einfalda aðgerðir“ og samþætta Nokia-hluta fyrirtækisins við aðra þætti þess.
127 þúsund manns starfa hjá Microsoft og verður því störfum hjá fyrirtækinu fækkað um sem nemur 14% á næstu mánuðum.