Tvö ný hótel á landsbyggðinni bætast við keðju Fosshótela í sumar.
Annars vegar er um að ræða nýtt hótel í Franska spítalanum á Fáskrúðsfirði, Fosshótel Austfjörðum, sem verður formlega opnað á laugardaginn kemur á frönskum dögum. Hótelið tók til starfa hinn 1. júní sl. en þar eru 26 herbergi í fyrsta áfanga. Stækkun er áformuð.
Hins vegar er um ræða endurbætt Fosshótel Vatnajökli, skammt frá Höfn, en þar var 40 herbergjum bætt við og eru þar nú 66 herbergi.