Kínverskum ferðamönnum fjölgar um 50%

Kínverskum ferðamönnum til Íslands hefur fjölgað um helming á fyrri hluta ársins frá því á sama tíma í fyrra, en fyrirséð er að slík fjölgun muni verða í Evrópu allri. Þetta kemur fram á vef Icelandic Times, en þar kemur fram að fríverslunarsamningur landanna hafi þar ekki bein áhrif, en muni væntanlega stuðla að frekari landkynningu ytra.

Haft er eftir Ragnheiði Elínu Árnadóttur, iðnaðar- og viðskiptaráðherra, að ýmis tækifæri séu með samningnum og að ekki sé útilokað að einhverjir íhugi að fjárfesta í ferðaþjónustu. Segir hún að kínverskir ferðamenn séu eftirsóttir og að þeir eyði meiru en meðal ferðamaðurinn. Hún bindur miklar vonir við fjölgun þeirra á komandi árum, sérstaklega ef áform um beint flug ganga eftir.

• Blogga um frétt