Hlutabréf Vodafone hafa fallið um 2,55% í verði í Kauphöllinni það sem af er degi. Velta með hlutabréfin nemur tæpum hundrað milljónum króna. Félagið birti uppgjör sitt fyrir annan ársfjórðung eftir lokun markaða í gær.
Hagnaður félagsins á tímabilinu nam 210 milljónum króna og jókst um 1% frá fyrra ári. Tekjur þess jukust jafnframt um 1% á ársfjórðunginum en 2% á fyrstu sex mánuðum ársins. Hagnaðaraukningin á fyrri helmingi ársins var 49%.
Sjá frétt mbl.is: Hagnaður Vodafone 210 milljónir