Farþegum gæti fjölgað um 14,3%

Farþegum um Keflavíkurflugvöll gæti fjölgað um 14,3% á milli ára á tímabilinu 26. október 2014 til 25. mars á næsta ári, samkvæmt gögnum Isavia yfir úthlutuð stæði á flugvellinum.

Þetta kemur fram í umfjöllun greiningardeildar Íslandsbanka.

Þar segir að ef litið sé á aukninguna hlutfallslega á milli mánaða þá komi í ljóst að aukningin verði mest í nóvember, eða um 21,5%. Yfir aðra mánuði nemi aukningin á bilinu 11-13%.

„Það ber þó að hafa í huga að úthlutuð stæði þurfa ekki endilega að verða mælikvarði á endanlega flogið flug. Þannig hafa til dæmis brottfarir um Keflavíkurflugvöll undanfarið verið umtalsvert fleiri flesta mánuði en tölur yfir úthlutuð stæði gáfu tilefni til að ætla,“ bendir greiningardeildin þó á.

• Blogga um frétt