Þingfestingu í máli embættis sérstaks saksóknara gegn fyrrverandi heildsala sem átti að fara fram í Héraðsdómi Reykjavíkur á þriðjudag, var frestað. Þetta kemur fram í Viðskiptablaðinu í dag.
Þar segir að Gujón St. Marteinsson, dómari í málinu, hafi viljað bíða niðurstöðu í máli Mannréttindadómstóls Evrópu í máli sem varðar svokallaða tvöfalda refsingu.
Maðurinn er ákærður fyrir skattsvik. Honum er gefið að sök að hafa ekki talið fram fjármangstekjur upp á 376,4 milljónir króna og stungið undan tæpum 38 milljónum króna. Þær tekjur komu til vegna hagnaðar af nokkur hundruðum framvirkra samninga mannsins með hlutabréf, skuldabréf og gjaldmiðla á árunum 2006 og 2008.
Frétt mbl.is: Ákærður fyrir meiri háttar skattalagabrot