Dr. Daniel Levin, stjórnarmaður í Íslandsbanka, hefur sagt sig úr stjórn bankans. Þá hefur Svana Helen Björnsdóttir jafnframt sagt sig úr varastjórn bankans.
Tilkynnt verður um eftirmenn á síðari stigum, að því er segir í tilkynningu frá bankanum.
Dr. Daniel Levin er bandarískur og svissneskur ríkisborgari með sérþekkingu á stjórnarháttum fyrirtækja. Hann hefur um langt skeið sinnt ráðgjafarstörfum fyrir ríkisstjórnir og þróunarstofnanir um þróun fjármagnsmarkaða og fyrir eftirlitsaðila um innleiðingu siðareglna fyrir fjármálafyrir tæki. Að auki á Daniel Levin sæti í stjórnsýslunefnd Liechtenstein sem vinnur að þekkingarmiðlun milli landa og eflingu pólitískrar, efnahagslegrar og félagslegrar þróunar. Hann hefur ennfremur tekið virkan þátt í mótun ýmissa laga um fjármálafyrir tæki.