Nettó tjón Tryggingamiðstöðvarinnar vegna stórbrunans í Skeifunni þann 6. júlí sl. er um 240 milljónir króna. Þetta er stærsta tjón sem félagið hefur þurft að bæta síðan árið 2002.
Þetta kemur í tilkynningu frá TM sem hefur birt afkomu á fyrri árshelmingi 2014.
Fram kemur að heildartjón TM sé metið um um 1.050 milljónir króna en þar af beri endurtryggjendur stærstan hluta kostnaðarins eða um 900 milljónir Eigin áhætta TM í þessu tjóni er 150 milljónir kr. en auk þess þarf félagið að greiða um 90 milljónir kr. vegna endurvakningar endurtryggingasamninga.