xRM Software hlaut gullvottun Microsoft

Íslenska hugbúnaðarfyrirtækið xRM Software hefur hlotið gullvottun Microsoft á sviði CRM viðskiptatengslalausna. xRM Software er eini samstarfsaðili Microsoft hér á landi sem þykir búa yfir nægilegri þekkingu og reynslu til uppfylla skilyrði Microsoft fyrir því að hljóta þessa vottun.

Fram kemur í tilkynningu, að xRM Software hafi vaxið hratt á síðustu misserum en fyrirtækið þjóni íslensku atvinnulífi með lausnum fyrir framlínu í sölustjórnun, markaðssetningu og þjónustu. Lausnir xRM tryggja að fyrirtæki og stofnanir fái sem mest út úr fjárfestingu sinni í hugbúnaði til stjórnunar viðskiptatengsla með innleiðingu á Microsoft Dynamics CRM.

Hjá xRM Software starfa 12 manns og meðal viðskiptavina eru mörg af stærri fyrirtækjum landsins, sem mörg hver hafa einnig umtalsverða starfsemi erlendis.

• Blogga um frétt