Ísland er í forgrunni nýrrar auglýsingaherferðar kampavínsframleiðandans Dom Pérignon fyrir eðalvínið P2 sem kemur í búðir í mánuðinum og mun kosta um 65 þúsund krónur.
Gígjökull, Eyjafjallajökull, Hengill og Seljalandsfoss eru á meðal þess sem fyrir augu ber. Richard Geoffrey, yfirmaður vínframleiðslu fyrirtækisins, bauð gestum í matarboð þar sem Gunnar Karl Gíslason, yfirkokkur á veitingastaðnum Dill, reiddi fram tíu rétta máltíð. Vínið er af árgerðinni 1998 og ber Geoffrey töfra náttúrunnar á Íslandi saman við vínið. Hér má sjá kynningarmyndbandið.