Tvöföld eftirspurn í útboði Nýherja

Nýherji stóð fyrir almennu hlutafjárútboði meðal stjórnar- og starfsfólks félagsins á dögunum 11. til 14. september og var áhuginn mjög mikill en starfsfólk skráði sig fyrir tvöfalt fleiri hlutum en í boði voru.

Gengi bréfa í félaginu hefur þá hækkað töluvert og t.a.m. um 5,17 prósent frá því í gær. 

Heildareftirspurn í útboðinu var 78.567.150 krónur, eða sem jafngildir 20.145.413 hlutum. Samþykktar áskriftir voru fyrir 10.000.000 hlutum. 

Tilkynnt var um útboðið í fréttatilkynningu félagsins þann 25. júlí síðastliðinn og var útboðsgengið fast, eða 3,90 krónur á hlut, og jafngilti það meðaldagslokagengi í félaginu frá 1. janúar til 4. september 2014. Tekið var við áskriftum að lágmarksfjárhæð kr. 40.000 að kaupvirði og að hámarki kr. 7.800.000 að kaupvirði.

• Blogga um frétt