Warner Brothers segja upp fjölda manns

Bandaríski kvikmyndaframleiðandinn Warner Brothers hyggast segja upp um eitt þúsund manns eða um 10% af þeim fjölda starfsmanna sem starfa hjá fyrirtækinu.

Haft er eftir Dee Dee Myers, varastjórnarformanni kvikmyndaframleiðandans, í frétt AFP að um hagræðingu sé að ræða.

Fram kemur í fréttinni að gert sé ráð fyrir að uppsagnirnar komi til framkvæmda í október og nóvember en hugsanlegt sé að eitthvað færri missi vinnuna. 

• Blogga um frétt