Margir hafa beðið í röðum eftir iPhone 6, nýjustu viðbót Apple-fjölskyldunnar. Síminn er nú kominn til landsins í takmörkuðu magni og er það Nova sem er með símann til sölu í verslun sinni í Kringlunni. Apple hefur enn ekki gefið út opinberlega hvenær síminn fer í almenna sölu hér á landi.
Fyrstu löndin fengu símann í sölu í gær, 19. september og hefur Apple tilkynnt um að næstu lönd fái hann í sölu þann 26. september.
Biðraðir mynduðust fyrir utan flestar Apple-verslanir í heiminum þegar salan fór í gang í gær og greinilega margir sem vilja næla sér í eintak.