Botoxframleiðandi hafnar Actavis

Lyfjafyrirtækið Actavis gerði nýlega yfirtökutilboð í Allergan, sem meðal annars framleiðir botox, en fyrirtækið hafnaði tilboðinu.

Allergan, sem hefur mánuðum saman barist gegn óvinveittu yfirtökutilboði frá Valeant Pharmaceuticals International upp á um 53 milljarða Bandaríkjadala, er nú í viðræðum um kaup á Salix Pharmaceuticals Ltd, samkvæmt frétt Wall Street Journal. Ef af kaupum á Salix verður þá er Allergan orðið of stórt fyrir Valeant, samkvæmt heimildum WSJ.

WSJ segir að Actavis hafi í síðasta mánuði kynnt yfirtökutilboð í Allergan en tilboðið var í reiðufé. Ekki hefur fengist uppgefið hversu hátt það var en heimildir herma að samkvæmt því sé markaðsvirði Allergan um 50 milljarðar dala.

• Blogga um frétt