Um 90% notkunar stafræn

Já hefur gjörbreyst frá stofnun þess árið 2005 og er orðið leiðandi fyrirtæki á sviði upplýsingatækni, með hálfan milljarð króna í hagnað á tveimur árum. Í dag er mestur vöxtur í stafrænum hluta rekstrarins.

Á sjöunda hundrað þúsund notendur nýta sér aðgang að upplýsingalausnum og upplýsingamiðlum fyrirtækisins í hverjum mánuði. Um 90% af þeirri notkun fer fram með stafrænum lausnum.

Í samtali um fyrirtækið í Viðskiptamogganum í dag segir forstjóri Já, Sigríður Margrét Oddsdóttir, fyrirtækið hafa lagt áherslu á tækni, þróun stafrænnar tækni og nýsköpun frá stofnun þess árið 2005. Hún segir viðskiptamódel Já, tekjusamsetningu og samsetningu starfsmanna hafa tekið örum breytingum á fáum árum.