Húsasmiðjan opnaði um helgina sérstaka Electrolux deild, í verslun sinni við Skútuvog, sem mun sérhæfa sig í vörum frá þessum næststærsta framleiðanda eldhús- og heimilistækja í heiminum. Nýja deildin er sett upp í samstarfi við Electrolux og er sambærileg öðrum slíkum sem settar hafa verið upp á vegum framleiðandans. Starfsfólk deildarinnar verður með sérþekkingu á vörum frá Electrolux og mun fá sérstaka þjálfun á vegum fyrirtækisins.
„Þetta er jákvætt að við skulum hafa fengið þá til að fara í þetta með okkur núna þegar að heimilistækjamarkaðurinn er aftur farinn að vaxa á Íslandi,“ er haft eftir Árna Stefánssyni, forstjóra Húsasmiðjunnar, í fréttatilkynningu.“