Allt vitlaust vegna Hitler kaffirjóma

Röð mistaka varð þess valdandi að kaffirjómar með andlitsmyndum af Adolf Hitler og Benito Mussolini komust í umferð á hundruð kaffihúsa í Sviss.

Framleiðandinn Migros baðst í dag afsökunar á „þessu ófyrirgefanlega atviki“ og sagði að innköllun á allri framleiðslunni væri hafin.

Mikil gróska er í framleiðslu á kaffirjómum sem þessum í Sviss og keppast framleiðendur við að gefa út nýjar línur með nýjum myndum sem margir safna. Fyrrnefndar útgáfur fóru þó ekki í sölu á heimasíðu fyrirtækisins heldur var þeim dreift á hundruð  kaffihúsa og veitingastaða sem eru í viðskiptum hjá Migros. 

Migros sagði dótturfyrirtæki sitt, mjólkurframleiðandann Elsu, bera ábyrgð á framleiðslunni en ófullnægjandi innra eftirliti væri þó einnig um að kenna.

Hönnunin var gerð af fyrirtækinu Karo sem sérhæfir sig í myndum á kaffirjóma og voru hluti af línu sem byggð var á myndum af gömlum vindlategundum. Þar á meðal voru tegundir frá árunum fyrir seinni heimstyrjöldina þegar andlit umræddra aðila voru sett á pakkana.

#Hitler portrait on #swiss creamer. Producer says 'no problem' as nobody cares & #context doesnt matter!! @migros @TA pic.twitter.com/NRa0c43saq

— Rolf Paul Dreier (@dreierrp) October 22, 2014

• Blogga um frétt