Hagnaður Nýherja 12 milljónir á þriðja ársfjórðungi

Finnur Oddsson er forstjóri Nýherja.
Finnur Oddsson er forstjóri Nýherja. mbl.is/Kristinn

Heildarhagnaður Nýherjasamstæðunnar á þriðja ársfjórðungi nam 12 milljónum króna. Hagnaður fyrstu níu mánaða ársins nemur 137 milljónum króna, en á sama tíma í fyrra nam tapið fyrstu níu mánuði ársins 1,1 milljarði króna.

EBITDA nam 188 milljónum kr. á þriðja ársfjórðungi og 586 milljónir fyrstu níu mánuði ársins. 

„Jákvæð umskipti hafa orðið á afkomu Nýherjasamstæðunnar á árinu, en 137 mkr hagnaður er á starfseminni fyrstu 9 mánuði ársins í stað ríflega eins milljarðs króna taps í fyrra. Hagnaður var 12 mkr á þriðja ársfjórðungi, sem er undir væntingum en reksturinn á fyrstu 9 mánuðum ársins er á áætlun," segir Finnur Oddsson, forstjóri Nýherja í tilkynningu. 

 Helstu upplýsingar

  • Heildarhagnaður á þriðja ársfjórðungi nam 12 mkr og 137 mkr á fyrstu níu mánuðum ársins [Q3 2013: Heildartap 100 mkr, 9M 2013: Heildartap 1.112 mkr]
  • EBITDA nam 188 mkr á þriðja ársfjórðungi og 586 mkr fyrstu níu mánuði ársins [Q3 2013: 61 mkr, 9M 2013: 244 mkr]
  • Rekstrarhagnaður nam 112 mkr á þriðja ársfjórðungi og 362 mkr á fyrstu níu mánuðum ársins [Q3 2013: tap 25 mkr, 9M 2013: 11 mkr]
  • Vöru- og þjónustusala á þriðja ársfjórðungi nam 2.545 mkr og 8.257 mkr á fyrstu níu mánuðum ársins [Q3 2013: 2.418 mkr, 9M 2013: 7.888 mkr]
  • Framlegð á þriðja ársfjórðungi nam 669 mkr (26,3%) og 2.171 (26,3%) á fyrstu níu mánuðum ársins [Q3 2013: 547 mkr (22,6%), 9M 2013: 1.774 mkr (22,5%)]
  • Nýtt skipulag hjá Nýherja tók gildi í ársfjórðungnum
  • Sala á Lenovo tölvum óx um 56% í Q3 2014 samanborið við Q3 2013
  • Tekjuvöxtur hjá TM Software 29% á milli ára
  • Vel heppnað hlutafjárútboð fór fram meðal stjórnar- og starfsmanna á fjórðungnum

„Ágætur gangur var í rekstri móðurfélags Nýherja, á þriðja ársfjórðungi. Sala á tölvu- og tæknibúnaði var í heild yfir áætlun. Sala á Lenovo tölvum hefur vaxið töluvert síðustu misseri en tæplega tíu þúsund tölvur hafa verið seldar til fyrirtækja og einstaklinga það sem af er ári. Tekjur TM Software vaxa enn verulega á milli ára, einkum vegna mikils vaxtar í sölu á Tempo hugbúnaði sem nú stendur á bak við 44% af veltu félagsins," segir Finnur. Afkoma Applicon félaganna sé undir áætlun, sem skýrist meðal annars af hærri þróunarkostnaði á þriðja ársfjórðungi heldur en áætlanir gerðu ráð fyrir. Ágætis horfur séu hjá Applicon félögunum fyrir fjórða ársfjórðung.

"Nýtt skipulag fyrir Nýherja móðurfélag hefur tekið gildi, en því er ætlað að einfalda starfsemi félagsins, bæta þjónustu og efla sölustarf. Áfram verður unnið að bættu skipulagi og skilvirkari uppbyggingu samstæðunnar, með það að markmiði að bæta afkomu og styrkja eiginfjárstöðu félagsins,“ segir Finnur ennfremur.

mbl.is
Fleira áhugavert
  ISK
  USD
  EUR
  GBP
  CAD
  DKK
  NOK
  SEK
Fleira áhugavert
  ISK
  USD
  EUR
  GBP
  CAD
  DKK
  NOK
  SEK