Stærsti banki Þýskalands, Deutsche Bank, var rekinn með tapi á þriðja ársfjórðungi og segja stjórnendur bankans að ástæðan fyrir tapinu sé lögfræðikostnaður og annar kostnaður við málaferli.
Tap bankans nam 94 milljónum evra en á sama tímabili í fyrra nam hagnaður hans 41 milljón evra.
Í síðustu viku tilkynnti Deutsche Bank að málaferli hafi kostað bankann 894 milljónir evra á þriðja ársfjórðungi.