Fall MySpace var þeim að kenna

Samfélagsmiðilinn MySpace hefði getað orðið jafn vinsæll og Facebook eða Youtube. „Við klúðruðum þessu,“ sagði fjárfestirinn Rupert Murdoch á Wall Street Journal ráðstefnu í Kaliforníu í gær. 

News Corp, fjölmiðlasamsteypa í eigu Murdoch, keypti vefsíðnuna árið 2005 á hápunkti vinsælda hennar fyrir 580 milljónir Bandaríkjadala. MySpace var hins vegar selt á árinu 2011 fyrir 35 milljónir Bandaríkjadala en kaupandinn var Specific Media.

Murdoch sagði þetta hafa verið kostnaðarsamt veðmál sem umbreyttist í röð glataðra, rándýrra tækifæra. „Þetta var rétt fyrir Facebook og við vorum að fara setja á fót myndbandaþjónustu sem hefði komið til þremur mánuðum á undan Youtube.“ Hann sagðist hafa farið að vitlausum ráðum og að lokum kaffært áætlununum í skriffinnsku. Þá sagði hann að News Corp hefði átt að treysta þáverandi stjórnendum MySpace eða skipta alfarið um stjórn fyrirtækisins.

Í síðasta mánuði keypti Murdoch fasteignasöluna Moce Inc fyrir 950 milljónir dollara en fyrirtækið starfar alfarið á netinu. Hann sagði markaðinn vera afmarkaðan og að mikil vinna væri fyrir höndum en sagðist þó vongóður fyrir framhaldinu.

CNN greinir frá þessu.

Rupert Murdoch AFP

• Blogga um frétt