Faxaflóahafnir sf. hyggjast fjárfesta á næsta ári fyrir 1,2 milljarða króna. Stærstu verkefnin eru á Grundartanga og fyrstu framkvæmdir við gerð nýs hafnarbakka utan Klepps.
Fyrirtækjum á Sundahafnarsvæðinu hefur frá árinu 2009 fjölgað um nærri 18% en starfsmönnum fækkað um 7% ef Sundahöfn og jaðarsvæði hennar eru talin saman.
Þetta er meðal þess sem kom fram á málþingi sem fór fram í Hörpu í gær með notendum Faxaflóahafna. Fjallað er um málþingið í Morgunblaðinu í dag, en þar var kynnt það sem efst er á baugi á athafnasvæði fyrirtækisins.