Slitabú Landsbankans (LBI) og Landsbankinn komust í dag að samkomulagi að framlengja aftur frestinum vegna gildisskilyrða í samningi um breytingar á skilmálum skuldabréfa Landsbankans til 17. nóvember næstkomandi.
LBI hefur sent Seðlabanka Íslands fjórar undanþágubeiðnir um heimild til að greiða hlutagreiðslur til forgangskröfuhafa, samtals að jafnvirði rúmlega 402 milljarðar króna, miðað við gengi þann 30. september 2014.
Ekki reyndist mögulegt fyrir Seðlabanka Íslands að svara erindi LBI fyrir 1. október, eins og farið var fram á, og var frestur til að taka afstöðu til undanþágubeiðna slitastjórnarinnar því framlengdur fyrst til 24. október, svo til 31. sama mánaðar og nú loks til 17. nóvember.
Sjá frétt mbl.is: Frestur framlengdur um viku