Danski bjórframleiðandinn Carlsberg hefur keypt 51 prósent hlut í gríska bjórframleiðandanum Olympic, sem er sá þriðji stærsti í Grikklandi. Eftir kaupin er Carlsberg með 29 prósent markaðshlutdeild á gríska bjórmarkaðnum.
Í tilkynningu frá Carlsberg segir að áhugaverð tækifæri liggi í Grikklandi og að fyrirtækið hefði náð góðum með árangri gríska bjórframleiðandann Mythos eftir yfirtöku hans en Carlsberg og Heineken tóku Mythos sameiginlega yfir á árinu 2008. Heineken er með stærstu markaðshlutdeildina í Grikklandi eða 55 prósent.
Að sögn Carlsberg mun Olympic njóta góðs af samlegðaráhrifum í innkaupum, framleiðslu og dreifingu. Kaupverðið hefur ekki verið gefið upp.