Dýrasta íbúðin á Norðurlöndum

Þriggja herbergja íbúð í Ósló var seld á 40 milljónir norskra króna í vikunni, sem svarar til 730 milljóna íslenskra króna. Samkvæmt frétt The Local er íbúðin sú dýrasta sem selst hefur á Norðurlöndunum miðað við fermetraverð.

Íbúðin, sem er 157 fermetrar að stærð, er í Gimle-hverfinu í Ósló. Það þýðir að hver fermetri var seldur á 254.777 norskar krónur, 4,65 milljónir íslenskra króna.

Fasteignasalinn Odd Kalsnes vildi ekki gefa Finansavisen upp hver kaupandinn væri. Seljandinn eignaðist  íbúðina á 950 þúsund norskar krónur, 17,3 milljónir íslenskra króna, árið 1998 en fyrri eigandi hafði átt hana frá upphafi, en hún var byggð árið 1968.

• Blogga um frétt