Hækkun varð á mörgum hlutabréfamörkuðum í Asíu eftir viðskipti dagsins. Nam hún 1,85% í kauphöllinni í Sjanghæ og 1,90% í kauphöllinni í Hong Kong.
Þá nam hækkunin 1,08% í Sydney í Ástralíu og 0,70% í Seúl í Suður-Kóreu. Markaðir í Tókýó voru lokaðir í dag vegna almenns frídags.
Skýringin er m.a. sú að seðlabanki Kína ákvað á föstudag að lækka stýrivexti sína um 0,25%. Þetta er í fyrsta sinn frá árinu 2012 sem vextir bankans eru lækkaðir.