Gegn undanþágum trúfélaga

Viðskiptaráð Íslands leggst gegn lagafrumvarpi um breytingu á lögum um virðisaukaskatt, á þeim grundvelli að frumvarpið dragi úr einföldun og skilvirkni skattkerfisins.

Með frumvarpinu er lagt til að þjóðkirkjusöfnuðum og skráðum trúfélögum og lífsskoðunarfélögum verði endurgreiddur allur virðisaukaskattur sem greiddur hefur verið af vinnu manna við endurbyggingu og viðhald kirkna eða samkomuhúsa.

Í umsögn Viðskiptaráðs, sem greint er frá í Morgunblaðinu í dag, kemur meðal annars fram að ráðið sé almennt mótfallið undanþágum frá greiðslu neysluskatta.