Hríðfallandi verð á olíu hefur margvísleg áhrif á hagkerfi heimsins en ein forvitnileg afleiðing þess er að olía er nú orðin ódýrari en vatn í flöskum.
Verð á tunnu af Brent Norðursjávarolíu fór niður fyrir sextíu dollara í dag. Í henni eru 159 lítrar og kostar einn lítri um 24 bresk penní þar sem einn dollari kostar 64 penní.
Fréttamaður Reuters fréttastofunnar, John Kemp, skrifaði á Twitter síðu sína í morgun að það væri um 40 prósent ódýrara en Evian vatn í flöskum í breskum stórmörkuðum þar sem kippa af 1,5 lítra flöskum kostar 3,80 pund.
Olían er þó ennþá dýrari en Ashbeck vatnið sem selt er í Tesco. Lítrinn af því kostar 20 penní ef keyptar eru fjórar tveggja lítra flöskur á vefsíðu fyrirtækisins. Til þess að olían færi undir vatnið í verði þyrfti olíutunnan að kosta 42,61 dollara
Business Insider greinir frá þessu.
Brent crude now selling for ~40% less than bottled mineral water in Britain's supermarkets (20% less excluding VAT): pic.twitter.com/GM2lUKhdJZ
— John Kemp (@JKempEnergy) December 16, 2014