Alþjóðlega matsfyrirtækið Strandar & Poor's tilkynnti í dag að til skoðunar væri að lækka lánshæfismat Rússlands vegna efnahagserfiðleika landsins og veikrar stöðu fjármálakerfis þess.
Lánshæfismat Rússlands er BBB- hjá S&P eins og staðan er í dag en fyrirtækið metur horfur neikvæðar. Fram kemur í frétt AFP að þetta þýði að helmingslíkur séu á að lánshæfismatið verði lækkað. Verði það gert fer Rússland í ruslflokk að mati fyrirtækisins. Gert er ráð fyrir endanlegu mati um miðjan janúar.