„Látum aðrar þjóðir um fjandskap við Rússa“
Setja bókamerki
Íslensk sjávarútvegsfyrirtæki halda nú að sér höndum um sölu á sjávarafurðum til Rússlands en engar bankatryggingar er að fá fyrir greiðslum á sjávarafurðum sem þangað eru fluttar, skrifar Ásmundur Friðriksson, þingmaður Sjálfstæðisflokksins á Facebook-síðu sína í dag. Hann bendir á að Rússar hafi sýnt íslensku þjóðinni drenglyndi á síðustu árum.
„Nú eru Rússar í kröggum,“ skrifar Ásmundur. „Ég velti fyrir mér hvort Ísland geti ekki á einhvern hátt komið Rússum til aðstoðar í þeirra þrengingum og við um leið tryggt okkar mikilvægu markaði þar í landi. Við munum það vel þegar við fluttum út fisk til Rússlands í vöruskiptum og í seinni heimstyrjöldinni sendum við Bretum fisk sem síðar var greiddur með nýsköpunartogurum þegar styrjöldinni lauk. Bretar þökkuðu okkur seinna með hryðjuverkalögum þegar við Íslendingar lágum á fjórum fótum þjökuð þjóðin af bankahruni. “
Svo skrifar Ásmundur: „Ég velti fyrir mér hvort við lítil þjóð með stórt hjarta gæti ekki fundið leið til að hjálpa stórþjóð í vanda með vöruskiptum eða á annan hátt sem gæti tryggt sameiginlega hagsmuni okkar og Rússa.
Makrílveiðar skila þjóðarbúinu á bilinu 20-25 milljörðum króna á ári og skapa rúmlega þúsund störf á sjó og landi og það er allt sem skiptir þjóðarbúið máli. Látum aðrar þjóðir um fjandskap við Rússa.“
„Þögnin er ærandi“
Segir óábyrgt að skipta út öllu bankaráðinu
„Hvað ef það hefði verið lokuð heiði?“
„Við eigum hvergi heimili“
„Tíminn er runninn út fyrir Kristján Loftsson“
Sat á þaki byggingarinnar þegar eldurinn kviknaði
Segja yfir 50 þúsund hermenn fallna
Aðhald, frestun og eignasala