Fréttir birtast á snapchat

Fjöldi fjölmiðla gert samning við Snapchat um sýningu á myndskeiðum sem verða í formi frétta í nýjum hluta Snapchat er kallast „Discover“. Meðal samstarfsaðila eru CNN, ESPN, National Geographic, Vice, Cosmo, Comedy Central, the Food Network, MTV, People og Yahoo News.

Í frétt CNN Money kemur fram að fréttum CNN verði hagað þannig að fimm fréttir verða valdar af ritstjórum fölmiðilsins á hverjum degi og verða þær sýnilegar í 24 klukkustundir. Segjast forsvarsmenn CNN spenntir yfir því að eiga möguleika á að ná til yngri markhópa í gegnum Snapchat.

Þá verða plássin einnig nýtt til þess að selja auglýsingar og auka þannig tekjumöguleika beggja aðila.

Snapchat hefur unnið að „Discover“ hlutanum í nokkra mánuði og er honum ætlað að verða helsta tekjulind fyrirtækisins.

• Blogga um frétt