Hringiðan hóf um áramótin að bjóða upp á ótakmarkað gagnamagn á ljósleiðara, ljósnets og ADSL-tengingum á einu verði. Fram kemur í tilkynningu, að Hringiðan hafi gert þetta fyrst íslenskra fjarskiptafyrirtækja.
„Var þetta verkefni í undirbúningi meirihluta árs 2014 og hafa viðtökur við því verið mjög góðar. Við höfum ávallt leitast við að vera leiðandi og bjóða viðskiptavinum okkar eins hagstæð kjör og hægt er með einfaldleika í huga. Stefnan er tekin á að halda áfram að vinna að nýjungum á þessu ári og er eflaust ekki langt í að sú næsta líti dagsins ljós,“ segir í tilkynningu frá fyrirtækinu.