Grískir bankar hljóta útreið
Setja bókamerki
Hlutabréf grískra banka hríðféllu í dag. Rétt eins og í gær og daginn þar áður. Hafa bankarnir tapað um fjörtíu prósent af heildarverðmæti sínu frá því að vinstri flokkurinn Syriza komst til valda um helgina og útlit er fyrir að hluthafar séu ekki hrifnir af hugmyndinni um róttæka vinstri stjórn.
Ný ríkisstjórn Syriza og Sjálfstæðra Grikkjum hefur þegar tilkynnt að beðið verði með áætlanir um einkavæðingu ríkisfyrirtækja, þ.e. að hætt verði við sölu á 30% hlut ríkisins í orkufyrirtæki landsins. Þá hafa uppsagnir þúsunda ríkisstarfsmanna verið dregnar til baka auk þess sem til stendur að hækka lágmarkslaun um 10 prósent.
Yfirvofandi lausafjárkreppa
Markaðsvirði stærstu bankanna, National Bank of Greece, Piraeus, Alpha Bank og Eurobank, hefur samanlagt dregist saman um 7,7 milljarða frá því að úrslit kosninganna voru ljós. Talið er líklegt að innistæðueigendur fari að taka út peningana sína í stórum stíl og að lausafjárkreppa sé yfirvofandi. Líflína frá seðlabanka Evrópu verður því nauðsynleg, en ef bankarnir geta ekki snúið sér þangað verða þeir að leita eftir þrautavaraláni hjá gríska seðlabankanum.
Áframhaldandi fjármögnun Grikkja og framtíð björgunarpakka þeirra samkvæmt samkomulagi við ESB, Seðlabanka evrunnar (SE) og Alþjóðagjaldeyrissjóðurinn (AGS) í mars veltur á samkomulagi nýju ríkisstjórnarinnar um áframhaldandi aðhaldsaðgerðir. Grikkir vilja hins vegar endursemja um fyrirkomulag lánanna og afskrifa að stórum hluta erlendar skuldir landsins. Hefur flokkurinn einnig talað fyrir því að aðhaldsaðgerðum hins opinbera verði hætt hið fyrsta.
Frétt mbl.is: Endalok evrunnar í Grikklandi?
Frétt Telegraph
Frétt BBC
„Þetta er pínu óvanaleg staða“
Fiskikóngurinn: „Mér fannst sárt að heyra það“
Búið að bólusetja börn alla helgina
Baldur: „Ég ætla að svara þessu kalli“
Fara ekki lengur fram á einangrun yfir Davíð
Sáttur við sína stöðu og finnur fyrir meðbyr
Tæknideild komin norður vegna andlátsins
Mest spennandi kosningar í áratugi