Lífeyrissjóðurinn Stapi telur sig eiga 200 milljóna króna kröfu á hendur Íslenskum verðbréfum (ÍV) vegna tjóns af skuldabréfaviðskiptum í trássi við heimildir.
Krafan hefur þó aldrei verið lögð fram og kemur hvorki fram í reikningum sjóðsins né ÍV. Samkvæmt heimildum ViðskiptaMoggans hafa drög verið gerð að samkomulagi um lausn málsins sem enn hefur ekki verið staðfest.
Eins og greint hefur verið frá í fréttum hefur Straumur Fjárfestingabanki keypt yfir helming hlutafjár í ÍV á undanförnum vikum en þeim kaupum hefur ekki verið vel tekið af stjórnarmönnum í Stapa, samkvæmt heimildum ViðskiptaMoggans.