Gildi bætir við hlut sinn í Vodafone

Gildi lífeyrissjóður hefur bætt við hlut sinn í Fjarskiptum, móðurfélagi Vodafone á Íslandi. Sjóðurinn keypti í gær fimm milljónir hluta í félaginu en ef miðað er við gengi hlutabréfa þess við lok viðskipta í gær, 38,15 krónur, má áætla að virði hlutarins sé um 190 milljónir króna.

Í tilkynningu til Kauphallar kemur fram að Gildi eigi nú 11,06% í Vodafone. Sjóðurinn er næststærsti hluthafinn, á eftir Lífeyrissjóði verslunarmanna, sem á rúmlega þrettán prósent í félaginu.

• 1 blogg um fréttina

Bloggað um fréttina

• Jónatan Karlsson: Telst þetta vera góð fjárfesting?