Íslensku auglýsingaverðlaunin, Lúðurinn, verða afhent á ÍMARK-deginum eftir viku.
Auglýsingastofan Brandenburg er með flestar tilnefningar, 12 talsins, Jónsson & Lemacks kemur þar á eftir með 11 tilnefningar fyrir athyglisverðustu auglýsingar ársins (AAÁ) og árangursríkustu auglýsingaherferð ársins (ÁRA).
Átta aðrar stofur eru með færri tilnefningar. Að sögn Ástu Pétursdóttur, framkvæmdastjóra ÍMARK, var innsendingarferlinu breytt í ár og það einfaldað til muna, að því er fram kemur í umfjöllun um verðlaunin í ViðskiptaMogganum í dag.