Fjármálagreinendur spá því að hagnaður fyrirtækjanna að baki S&P 500-vísitölunni, sem eru öll helstu skráðu fyrirtækin í Bandaríkjunum, muni dragast saman og verði minni á öðrum fjórðungi ársins, borið saman við sama tímabil í fyrra.
Ef spáin gengur eftir verður það í fyrsta sinn eftir fjármálahrunið haustið 2008 að hagnaður bandarískra fyrirtækja dragist saman tvö ársfjórðunga í röð.
Í frétt Financial Times er þó bent á að gert sé ráð fyrir að hagnaður fyrirtækjanna aukist á nýjan leik á seinni hluta ársins. Þó eru blikur á lofti, en skýrar vísbendingar eru um að fjárfestar hafi í meira mæli leitað til Evrópu á undanförnum missserum.
S&P 500-vísitalan hefur hækkað um 250% á undanförnum sex árum og telja sumir greinendur að hlutabréf bandarískra fyrirtækja séu orðin of dýr.