VIRK og Sjóvá fá viðurkenningar

Framkvæmdastjóri VIRK starfsendurhæfingarsjóðs, Vigdís Jónsdóttir, hlaut viðurkenningu Stjórnvísis sem besti yfirstjórnandinn.

Í tilkynningu segir að árangur og ávinningur af starfsemi VIRK, sem stofnað var árið 2008, sé mjög mikill þar sem það hefur á undanförnum árum skilað þúsundum einstaklinga í virka þátttöku á vinnumarkaði.

Verðlaunahafanum er lýst sem leiðtoga með skýra framtíðarsýn og markmið og skapi vinnuumhverfi þar sem hver einstaklingur fær að nýta hæfileika sína til fulls, að því er fram kemur í umfjöllun um viðurkenningar Stjórnvísis í Morgunblaðinu í dag.