Grikkir heita greiðslu
Setja bókamerki
Framkvæmdastjóri Alþjóðagjaldeyrissjóðsins, Christine Lagarde, fagnar fréttum af því að Grikkir ætli að greiða af láni sínu hjá AGS í þessari viku.
Í gær greindi fjármálaráðherra Grikklands, Yanis Varoufakis, frá því að ríkið ætlaði sér að standa við allar skuldbindingar sínar hjá lánadrottnum. Ummælin lét hann falla í kjölfar fundar með yfirmönnum AGS í Washington. Tæp fimm ár eru síðan AGS og ríki ESB hófu að veita gríska ríkinu fjárhagsaðstoð.
Lagarde segir í yfirlýsingu í gær að hún og Varoufakis hafi rætt um skuldbindingar gríska ríkisins og fram hafi komið í máli ráðherrans að Grikkland myndi greiða inn á lánið þann 8. apríl.
Samkvæmt BBC hafa verið uppi efasemdir um hvort Grikkjum tækist að standa við skuldbindingar sínar um að greiða 450 milljónir evra inn á lánið.
Tóku upp hanskann fyrir leikskólabörn
„Hvílir mikil leynd yfir þessu öllu“
Veiting hvalveiðileyfis ekki brot á EES-samningi
„Okkur miðar í rétta átt“
Skar höfuðleðrið af íslenskri konu
Handteknir eftir myndatöku í Vesturbæjarlaug