Aðalfundur Landsvirkjunar fór fram í dag og var þar samþykkt tillaga stjórnar um arðgreiðslu til eigenda að fjárhæð 1,5 milljarðar króna fyrir árið 2014.
Tillögur fjármála- og efnahagsráðherra um kjör aðalmanna og varamanna í stjórn Landsvirkjunar var samþykkt. Aðalmenn voru endurkjörin Jónas Þór Guðmundsson, hæstaréttarlögmaður og formaður Lögmannafélags Íslands, Helgi Jóhannesson, hæstaréttarlögmaður, Jón Björn Hákonarson, forseti bæjarstjórnar Fjarðabyggðar, Þórunn Sveinbjarnardóttir, framkvæmdastýra Samfylkingarinnar og Álfheiður Ingadóttir, líffræðingur.
Á fyrsta stjórnarfundi eftir aðalfundinn var Jónas Þór endurkjörinn stjórnarformaður.
Varamenn voru endurkjörnir en það er þau Páley Borgþórsdóttir, Teitur Björn Einarsson, Ásta Björg Pálmadóttir, Skúli Helgason og Steinþór Heiðarsson.