Undirrituðu samning vegna sólarkísilverksmiðju

Fulltrúar Faxaflóahafna sf. og bandaríska iðnfyrirtækisins Silicor Materials Inc. undirrituðu í dag samninga um lóð, lóðarleigu og afnot af höfn vegna fyrirhugaðrar sólarkísilverksmiðju á Grundartanga.

Theresa Jester forstjóri og Gísli Gíslason hafnarstjóri undirrituðu fyrir hönd Silicor og Faxaflóahafna. Dagur B. Eggertsson borgarstjóri og Skúli Þórðarson, sveitarstjóri Hvalfjarðarsveitar, vottuðu undirritunina.

Fjármögnunarsamningar verkefnisins eru á lokastigi. Bandaríska fyrirtækið stefnir að því að hefja framkvæmdir haustið 2015 og framleiðslu á síðari hluta árs 2017.

Áætlað er að um 450 manns starfi á Grundartanga á vegum Silicor.

• Blogga um frétt