Carlsberg segir upp 180

Drykkjaframleiðandinn Carlsberg þarf að segja upp 180 starfsmönnum. Þar af 75 í Danmörku. Uppsagnirnar eru liður í hagræðingaraðgerðum fyrirtækisins sem nefnast „Fit for Future“.

Starfsmennirnir starfa hjá nokkrum deildum innan fyrirtækisins en þeir sem missa vinnuna í Danmörku starfa hjá höfuðstöðvunum í Kaupmannahöfn.

Dagens Industri greinir frá þessu.

Carlsberg hefur ekki farið varhluta af slæmu efnahagsástandi í Rússlandi þar sem fyrirtækið er stærsti bjórframleiðandinn þar í landi. Fyrirtækið tapaði 155 milljónum danskra króna í Austur-Evrópu á fyrsta ársfjórðungi samanborið við 8 milljóna króna tap á sama tíma í fyrra þar sem sala dróst saman um 16 prósent.

Uppgjör Carlsberg á fyrsta ársfjórðungi.

• Blogga um frétt