Deutsche Bank skoðar það nú alvarlega hvort hann flytja hluta af starfsemi sinni úr Bretlandi og til Þýskalands, fari svo að Bretar segi skilið við Evrópusambandið.
Í þessu skyni hefur bankinn skipað starfshóp sem er ætlað að leggja mat á það hvort það sé bankanum í hag að flytja sig um set.
Talsmaður bankans áréttar þó, í frétt AFP, að enn hafi engar ákvarðanir verið teknar í þessum efnum. Um níu þúsund manns starfa í bankanum í Bretlandi.
David Cameron, forsætisráðherra Bretlands, lofaði því fyrir þingkosningarnar í landinu að blásið yrði til þjóðaratkvæðagreiðslu um aðild Bretlands að Evrópusambandinu fyrir lok árs 2017.