Í dag hóf WOW air áætlunarflug til Dublin og mun fljúga þangað allan ársins hring. Flogið verður þrisvar sinnum í viku á þriðjudögum, fimmtudögum og sunnudögum. WOW air er fyrsta íslenska flugfélagið sem er með áætlunarflug til höfuðborgar Írska lýðveldisins en borgin var stofnuð af víkingum á 9. öld.
WOW air hóf sölu á farmiðum til Dublin í lok september á síðasta ári og hefur salan gengið mjög vel bæði til Íslands og í tengiflug í gegnum Keflavíkurflugvöll til bæði Boston og Washington D.C. að því er fram kemur í tilkynningu.
„Það eru ánægjulegt að bæta við enn einum áfangastaðnum en við fljúgum nú til 20 áfangastaða bæði í Evrópu og Norður-Ameríku. Við gerum ráð fyrir að um 750 þúsund farþegar muni fljúga með WOW air í ár og áætlum 50% farþegaaukningu á milli 2015 og 2016“ er haft eftir Skúla Mogensen forstjóra og stofnanda WOW air.
Núna í ár bætti WOW air við sex nýjum áfangastöðum. Auk Dublin bættust nýlega við leiðarkerfi WOW air; Boston, Washington D.C., Róm, Billund og Tenerife.