Landsnet og Rafeyri ehf hafa undirritað 129 milljón króna samning um uppsetningu á háspennubúnaði í nýju tengivirki Landsnets í Helguvík.
Samkvæmt tilkynningu frá Landsneti er nýja tengivirkið Stakkur hannað með hugsanlega stækkun í huga, en það er við hlið kísilvers United Silicon við Stakksbraut. Undirbúningur tengivirkisins Stakks hófst hjá Landsneti haustið 2014 í framhaldi af samningi um flutning raforku til kísilvers USi í Helguvík. Í samningi Landsnets og Rafeyrar felst uppsetning á þremur háspennurofum og öðrum háspennubúnaði í Stakki.
Áætluð verklok eru í janúar 2016.