Lífeyrissjóður starfsmanna ríkisins seldi í dag tuttugu milljónir hluta í Icelandair Group, að því er fram kemur í flöggun til Kauphallarinnar. Miðað við markaðsgengi hlutabréfa félagsins í lok dagsins, 24,05 krónur á hlut, má ætla að verðmæti hlutanna nemi um 481 milljón króna.
Eftir söluna á LSR 481 milljón hluti í félaginu eða um 9,62%.
Eftir viðskiptin skiptist eignarhlutur eftir einstaka deildum í LSR á eftirfarandi hátt:
A-deild á 6,44% atkvæða, B-deild á 2,71% atkvæða, séreignarhluti LSR á 0,13% atkvæða auk þess sem Lífeyrissjóður hjúkrunarfræðinga á 0,34% atkvæða.
Samtals ræður því Lífeyrissjóður starfsmanna ríkisins óbeint yfir 9,62% atkvæða.