Fjármagnshöft líkleg í Grikklandi

Alþjóðlega matsfyrirtækið Standard & Poor's lækkaði á föstudaginn lánshæfiseinkunn fjögurra stærstu banka Grikklands tveimur dögum eftir að fyrirtækið lækkaði lánshæfiseinkunn landsins sjálfs. 

Lánshæfiseinkunn Alpha Bank, Eurobank, National Bank of Greece og Piraeus Bank var lækkuð úr CCC+ í CCC. Fram kemur í rökstuðningi S&P að ástæðan sé einkum það mat fyrirtækisins að Grikkland lendi að öllum líkindum í greiðsluþroti innan 12 mánaða takist ekki að semja um skuldir landsins við alþjóðlega lánadrottna.

Þá segir S&P að vaxandi líkur séu á að fjármagnshöftum verði komið á í Grikklandi til þess að stemma stigum við frekara útflæði innistæðna úr bönkum.

• 3 blogg um fréttina

Bloggað um fréttina

• Páll Vilhjálmsson: Evran býr til ruslríki úr Grikklandi
• Ómar Bjarki Kristjánsson: Grikklandsdæmið sýnir vel hve varsamt það er að kjósa lýðskrumara …
• Heimssýn: ESB hefur lengt vandræðaástandið í Grikklandi